الوصل ( جنه ) .. والغلا (غيره) وطاري البعد ( نار )
و( الشك ) شيطان القلوب .. اللي يعكر ودها
والجرح / ما هو يحس به / كون الجريح المستثار
وضلوع صدري عانت جروحك .. وضاقت حدها
ما كل جرح ٍ/تقدر تشافيه .. كلمة وإعتـذار
بعض الجروح .. يفت بنيان الغلا .. ويهدها
ما تشوف قلبي كل ما اقفى منك وقف واستدار
عجزت وآنا كل ما نفسي تروح .. آردها !!
أغليك ايه .. واعشقك ايه .. لكن الجرح عااااار
معطيك من قلبي ثقه .. وآثرك منت بقدهااا
بغيت اسامح تالي ذنوبك .. لكن قلبي استخار
وباقي غلاتك وقفت كل المداامع ضدها !!
مع السلامه .. جعل مالك في رباا الاظلاع دار
والعشره اللي قد مضت وياك .. لابو جدها !!
كذاب ما حبيتني / وتقول لي ميت واغار
وجمايلي لو عشت عمرك ما عرفت تردها
يا من تغيب وتزعل وكنك علي طلاب ثار
السالفه اكبر من الغيبة وداعي صدها !!
فقعت كبدي .. في تلايا الليل واطراف النهار
الين ضقت وملت ضلوعي .. وباحت سدها
مشغول .. ومقفل .. (لا يوجد رد) .. تحويل .. أنتظار
اضيق منها واستضيق ان طولت عن حدها
للشاعر /: حمد البريدي
