ّ~ مطبخ صفوة القلوب في رمضان ّّ~

محشي ملفوف

لمحبي المحاشي


بتحتاجين: ملفوف كبير حاولى لمحشي الملفوف تختاري الملفوف الي اوراقه كبيره
بس انا هنا استخدمت ملفوف وسط
للحشو : كوبين رز مصري مغسول ومصفى - بصل تقريبا اربع كبار حلات محشى الملفوف بالبصل-ملعقه سمن او زبد
ملعقتين معجون طماطم - طماطم تقريبا 2 كبار مفروم - ملعقتين ثوم مفروم - بقدونس
البهارات ( ملعقه ص كزبره مطحونه - 2 مكعب مرقه دجاج- ملعقه كبيره بهار مخلوط - فلفل حسب الرغبه - نعناع مجفف (اختياري)
لسلق المحشي ( ماء بحيث يكفي يغطي المحشي - ملعقتين معجون طماطم - مكعب مرقه الدجاج- ثوم بودره ربع ملعقه (اختياري) - رشه فلفل اسود)

الطريقه:

1. تفتحين الملفوف من الوسط حاولي بالفتح تدخلي لداخل وتحطين الملفوف بقدر فيه ماء وشويه ملح بهالشكل





2. بس يسخن الماء راح تشوفي الاوراق تبدأ تنفصل عن الملفوف الام بتشيلين ورقه ورقه طبعا بهالمرحله
الورق مستوي نص سوى مانباه ينسلق وايد عشان لا ينهرس وقت الطبخ ويتعبنا وقت لفه
هشكل تشيليه بملقط طبخ اسهل لك






3. بس تخلصين كل الكميه نبدأ نشيل العرق الي بالوسط الي بكل ورقه عشان يسهل عليك لف
وتقسمين الورقه قسمين من وين ماشلتي العرق






4. تبدين بالحشوه وهي تحمسين البصل في السمن لحد مايذبل شوي بعدها اتضيفي عليه مكعبين مرقه الدجاج
ومعجون الطماطم والثوم هشكل







5. اتضيفي عليه الطماطم المفروم والبهارات وتخليه لحد مايتسبك شوي







6. لما يتسبك اتضيفي عليه الرز والبقدونس وتخليه شوي وخلاص بيكون جهز تخليه يبرد شوي





7. تبدين تحشين الورق بالحشوه تاخذين شوي من الحشوه وتحطيه بالورق
وتلفينه هشكل بتحطينه بقدر وحاولي ترصينهم ببعض عشان لا تنفتح وقت الطبخ





بس تخلصي كل الكميه تحطي عليهم صحن بحيث يحافط عليهم لا ينفتحون




تحطين عليهم الماء الساخن المخلوط معه معجون الطماطم والثوم البودره ومكعب ماجي
اول مايغلي تخفضين عليه النار وتخليه ع نار هاديه طبعا لحد ماتستوي حبه الرز وهذا بيبن عندك من الشكل

وهنا جهز المحشي طبعا لانه ملفوف ما يوضح عدل بالصوره




وهنا اقرب يمكن تكون اوضح

تشيز كيك بالفرن
لذيذ طبعا هذه الطريقه الكلاسيكيه اي القديمه

بتحتاجي:
للقاعده ( بسكويت دايجستف علبه طبعا يكون مطحون- نص كوب زبده مذابه - جوز مفروم ملعقتين سكر بني ملعقه- رشه قرفه اختياري)






ولخليط التشيز كيك
( اربع بيضات - جبنه فيلادلفيا 300جرام علبتين- ملعقتين طحين مع برش ليمونه - عصير ليمونه
ملعقه ص فانيليا سائله - علبه سور كريم (قشطه رائبه)-كوب ونص سكر)


هذا السور كريم او القشطه الرائبه







ملاحظه هذه الكميه : لصينيه تشيز كيك كبيره شوي







: تخلطين مكونات البسكويت وتحطيها بصينيه التشيز كيك ودخليها الثلاجه على ماتخلصين خلط مكونات التشيز كيك
تخلطين السكر والجبنه بعدها البيض وتكملين خلط بعدها اتضيفي الطحين والسور كريم وعصير الليمون
وتصبي هالخليط فوق طبقه البسكويت بتغلفي قاعده الصينيه بالالمونيوم وتحطيها بصينيه ثانيه
بهشكل







بتصبي بصينيه الثانيه ماء ساخن بحيث يوصل لنص قالب التشيز كيك
وبدخليها بفرن درجه حرارته عاليه تقريبا 300 لمده ساعه او ساعه ونص بتلاحظي انه التشيز صار متماسك ومتنفخ شوي
بس يجهز سكري الفرن عليه بس لا طلعيه من الفرن افتح باب الفرن وخليه لمد عشر دقائق
بعد 10 دقائق طلعيه وخليه يبرد وزينيه بباي فيلنق انا اخترت هالنوع






طبعا بتخليه بثلاجه قبل التقديم تقريبا اربع ساعات اوقبلها بليله كل ماتم بالثلاجه كل ما كان احسن ومتماسك







وقطعه للحلوين

أكباد الدجاج بصلصات ناندوز

الطريقه سهله جدا بس الطعم لذيذ جربتها بمطعم ناندوز كمقبلات مع الوجبه الرئيسيه
فخمنت شوف فيها ما لقيت غير انها مقليه ومضاف لها نوع من الصلصات اعتقد ذلك بس طعم قريب جدا منها


بتحتاجي : أكباد دجاج منظفه ومقطعه وسط - اي نوع من صلصه ناندوز

الطريقه:
بعد التقطيع بتضيفي لها رشه ملح وفلفل اسود- وربع م ص ثوم بودر وكزبره تخليها ع جنب
تحمي زيت وتبدي تقلي الكبد لحد ماتحمر
بهالشكل








اول ماتجهز ضيفي لها اي نوع تحبيه من صلصه ناندوز انا اضفت ثلاثه انواع لزياده الطعم
من كل نوع اضفت ملعقه كبيره هذه الانواع الي استخدمتها









وبسسس وبكذا جهزت

أم علي بطريقتي

هذه خاصه لعيون ( أفااااا) بطرش لك منها لو اعجبتك الطريقه


بتحتاجي : 8 حبات كرواسون افضلها بالكرواسون الطرق الثانيه ماحبيتها
طبعا الكرواسون بتضيفي له شويه زبده بعد ما تقطعيه لقطع وسط مش صغيره وايد
ودخليه بالرفن عشان ياخذ قرمشه بس يعني دقائق فقط





وللخليط بنحتاج : سكر 6 ملاعق او حسب الرغبه- كوبين حليب-ملعقه ص فانيليا- قشطه
مكسرات حسب الرغبه (انا استخدمت جوز هند- لوز - فستق)






الطريقه:
1. بتضيفي المكسرات على الكرواسون بعد ما نطلعه من الفرن






2. بعدها نسخن الحليب مع السكر بعد مايسخن نرفعه من على نار ونضيف له علبه قشطه وفانيليا ونخلطه عدل
ونسكبه على الكرواسون






3. بعدها بتضيفي على الوجه علبتين قشطه مع م ص فانيليا بعدها تحطي على الوجه شوي من لوز مع رشه خفيفه من القرفه و السكر البني اختياري
بس احب اضيفيها تضيف نكهه ولما تذوب بتصير نفس الكراميل هشكل







دخليها الفرن ويكون شغال من تحت لمده 10 دقائق وبعد ها تشغليه من فوق
لتحمير فقط








وحلاتها وهي دافيه لاحظي انه الحليب ما نشف منها وهذا المطلوب والاساس بأم علي يكون الحليب فيها كثيف
افااااا اقربي

اسكندر كباب

لحد يسألني سبب التسميه أكيد له سالفه مثل قوم أم علي



بتحتاجي: صدور دجاج مقطعه طولي ومسلوقه مع مكعب مرقه دجاج - ورقه غار- م ص كمون- م ص كزبره
م ط ثوم مهروس- فلفل اسود لمده 15 دقيقه او لحد مايستوي الدجاج

2.بطاطا مقطعه مكعبات ومقليه (اختياري ) هذه اضافه مني بس
3.خبز لبناني مقطع ومقلي
4.والصلصه عباره عن : تحمسين بصل مقطع شرائح بعدها اتضيفي له طماطم وملعقه ط معجون طماطم اخر شي بتضيفي له شوي من ماء السلق
الي سلقتي فيه دجاج تقريبا ملعقه كبيره وطماطم مفروم وملح وفلفل حسب الرغبه بتخليه ع نار هادئه لحد ماتتسبك الصلصه

هذه كل المكونات صورتها بعد ماجهزت مستعجله ع العشا






يتحطي الصلصه بالاول وبعدها البطاط والدجاج







اخرا شي بتحطين الخبز المقلي مع الصوص والي هو عباره عن: علبتين روب - 3 ملاعق طحينه - 3 ملاعق ليمون
شويه ثوم مهروس وملح وفلفل حسب الرغبه
وعلى الوجه بقدونس ورشه سماق
وهذ البطل اسكندرنا جهز






وده كمان ( الفاضي بيعمل قاضي )

لقيمات الزبادي


طريقه مختلفه حطيت عليها دبس لذيذه جربيها مع الدبس

الفكره هي اني استخدمت أداه اللقيمات بدل الاستخدام التقليدي حلوه للمبتدئات
وراح تلاحظي شكل اللقيمات كيف يطلع


الطريقه والمقادير معآ:


راح تحتاجين كوب ونصف طحين - رشه ملح وسكر- ملعقتين صغار خميره فوريه - 3 ملاعق زبادي (روب)
رشه هيل - وزعفران - م ط كاسترد - م ط نشا - ماء دافئ للعجن

تخلطين كل المكونات وتعجنيها عدل تخلي العجين يرتاح ساعه







هذا العجين حاولي دائما بعد التخمير تعجنيه ع سريع مب وايد عشان يطلع الهوا بالعجينه

هذا شكل العجينه







هذه الأداه المستخدمه
ملاحظه: يفضل تدهنين الأداه من الداخل بالزيت ع الجوانب لتسهيل خروج العجين







طبعا تقلين اللقيمات بزيت غزير وحار وتسقيط اللقيمات بيكون بالضغط على الأداه مره تلو الأخرى
هذه اللقيمات جهزت وحطيت عليها دبس






وهذه بعددد







وخلصنااا اقرررب

دجاج الكاري بكريمه حليب جوز الهند


هالوصفه لمحبي الأكل الهندي راح تعجبهم أكيد والأحلى انها سهله ولذيذه



الطريقه والمقادير:


راح تحتاجين لبطاطا مقطعه كبير- جزر مقطع كبير- وبصل شرائح - ثوم وزنجبيل مهروس - فلفل أخضر حار حسب الرغبه
وجلجلان او بقدونس






ومجموعه بهارات( ملعقه كبيره كاري ضروري- مص زنجبيل بودره - عود قرفه - م ص كزبره - م ص فلفل احمر حار- ملح حسب الرغبه - م ص بهار دجاج)







أكيد دجاج مقطع ومغسل بشطفه ماء وخل يشيل الزفار
يتبل بمل وفلفل اسود وكزبره ويقلي نص قلي بحيث فقط يكتسب اللون

هشكل






بالنسبه للخضار تحطين شويه زيت زيتون مع زبده وتحمسين الخضار ع سريع
يعني لا تخلينها تستوي راح تستوي بالفرن بعدا ضيفي البهارات والثوم والجلجلان وارفعيها
حطي الخضار بصينيه فرن وعليها الدجاج

هشكل






بعدها راح تضيفين عليها علبه من كريمه حليب جوز الهند واو ممكن تستخدمين النوع الثاني البودر

هذا شكل كريمه حليب جوز الهند
فيها نسبه سكر اذا تذوتيها بس مع البهار والملح را يتعادل ومابيبين وقت الاكل يعني مزيج لذيذ
والسكر وايد يدخل بالأكل الهندي






تدخليها الفرن بدون ما تغطيها لحد ما تحين انه الدجا استوى والصلصه صارت أكثف
هشكل






ويقدم مع العيش او الخبز







وهنا اقرب

صياديه سمك

وهذه طريقتي أنا الصياديه معروفه اكثرشي اعتقد في بلاد الشام هي وايد قريبه من الكبسه بس باختلافات بسيطه وكلن له طريقه
وهذه طريقتي بشكل مبسط


الطريقه والمقادير:

راح تحتاجين لسمك يكون مقطع او ممكن بدون تقطيع يتبل ببهارات سمك وكمون وكزبره ناشفه وملح بعدها يقلى شوي مجرد تحمير
الحاجه الاساسيه فصياديه والي يميزها هو البصل اكثري من البصل بسخااااء ههههه
يعني تقريبا اربع بصلات كبار مقطعين صغير او شرائح- ثوم - فلفل اخضر حار- ليمون يابس اختياري - البهارات( بهار سمك - كمون- كزبره - رشه هال- ملح وفلفل حسب الرغبه)
وبقدونس- وطبعا عيش منقوع ومغسول حسب مانتي متعوده اتسوين
ملاحظه :الكميه هذه لشخصين : حطيت كوبين عيش يعادلهم 3 اكواب ماء
ما حددت كميه البهارات لك حريه المكيال
هذه مكوناتي






تحمسين البصل لحد مايذبل شوي بعدها اتضيفين عليه الثوم صحيح والفلفل
هالشكل






يعني لازم يصير هالشكل بعدها تخلطينه بالخلاط بيصير مزيج ناعم عندك






بعدها اترجعينه مره ثانيه وبتضيفين عليه البهارات والبقدونس والسمك وبتخلينه شوي
هالشكل




بعدها اتضيفين عليه كميه الماي وتخلينه 5 د تقريبا بعدها اتشلين السمك ع جنب واتضيفين العيش بس يغلي شوي توطين النار
عليه وتحطي السمج على العيش بحيث يتم الوجه ماينزل القاع وبس تحسين العيش استوي
يكون جاهز وميزة عيش الصياديه يكتسب هاللون البني


هالشكل






وهذه بعددد جربينه مع الدقوس الكويتي واايد روعه معه








وحق لفراغه لابد صوره ههههه لا تزعل علينا مب ناقضين عتاب

كيكه الكراميل


وايد لذيذه ومختلفه عن باقي الكيك بميزه نها هشه وايد يعني تقدري تقولين بين الكيك والبسكويت


الطريقه والمقادير:

راح تحتاجين 3 بيضات - 3/4 كوب سكر-كوب زيت - م 2 فانيلا سائله
تخلطينهم بالخلاط عدل





بعدها اتضيفنهم على كوبين طحين وكوب نشا مع ملعقتين طعام بيكنج بودر ورشه ملح





تخلطين الخليط عدل راح تتكون عند عجينه ثقيله شوي اخذي بحجم كف الايد منها وحطين ع جنب والباقي حطينه بصينيه فرن
ويفضل لو تكون قابله للفتح
تتدهنين وجه الكيك بكراميل جاهز او ممكن مربى اذا مب متوفر هالكراميل عندك
هذا الكراميل موجود بالكارفور وهو قريب من التوفي وايد





بعدها بتاخذين من العجين الي اخذتيه من قبل بتحطينه بشكل عشوائي ع الوجه
هشكل







تدخليه الفرن لحد السوى وبكذا يكون جاهز
هشكل






ملاحظه:غاليتي ضروري تخلينه يبرد تماما لان بس يبرد بيسهل عليج تقطيعه لاني ذكرت انه هش
فكره :مني ممكن تقطيعينه مربعات ميني وتحفظينه بعلب خاصه بالثلاجه لفتره وفكره بعد حق فاله العيد
هذا بعد ما قطعته





وهذه بعد







هنا اقرب لاحظي هشاشه الكيك او البسكت كيك ههههه

وصفات رمضانيه مختاره

هذه كم وصفه لي منكم حق رمضان سهله وسريعه وطبعا بلا شك لذيذه

طبعا الخطوات مب بتفضيل لضيق الوقت والسموحه منكم بس عسى تكون الفكره واضحه

ببدأ بفطائر الصمون بحشوه الدجاج

راح تحتاجين صمون اتقطعينه نصفين وتفرغين وسطه
الحشوه عباره عن صدور دجاج مسلوقه - جزر مبشور- بصل مقطع صغير - بعارات كاري - شطه مجروشه - رشه ملح
تحمسين البصل بعدها الجزر والدجاج البهارات ترفعينه ع نار وتضيفين عليه ملعقتين طعام جبن وملعقه طعام مايونيز
للوجه : جبن موزريلا و شيدر

طبعا بفراغ كل نصف صمونه بتحطين الحشو وعليه الجبن
هشكل






ادخلينه الفرن بس ع شوايه وبيكون جاهز شفتي شكثر سهل








وهذه سندويشات التوست بحشوه التونه واللبنه

حشوه التونه قريبه من حشوه الدجاج الي ذكرتها بفطائر الصمون بس بدون مايونيز وجبن المايونيز يكون كدهن فقط

هذه المقادير المستخدمه







طبعا سهله تحطيها بماكينه تحميص التوست تدهنين التوست بشويه زبده وبس

هشكلها






وهذه الحشوه










شوربه كريمه الربيان

مب ذاكره العضوه الي طلبتها مني المهم هذه الوصفه لها
راح تحتاجين مكعبين ماجي خضار - بصل وجزر- ملعقه طعام صويا صوص- ربيان - ملعقه طعام طحين - كريمه طبخ ربع كوب
تحمسين الربيان ع سريع بعدها اتضيفين عليه الصويا صوص تخلينه ع جنب
تغلين مكعبين ماجي مع البصل والجزر لمده 5د بعدها اتصفينه من الخضار طبعا المرقه او الخلاصه نبيها
بتحطين شويه زبده وعليهم ملعقه الطحين تحمير سريع واتضيفين الربيان والمرقه وتخلينهم لمده عشر دقائق
الخطوه الاخيره بتضيفين شويه صويا صوص والكريمه يغلي شوي ويكون جاهز

هالشكل




وان شاء الله تجربيها وتعجبك