بن فطيس : سولفوآ ~

،؛، .. ســـولفـــــوا .. ،؛،

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

بن فطيس : سولفوآ ~ 360724380

ما شااء الله ع هالقصيده اعجبتني

سلفوا دخيلكم يا هلي وناسي
ابعدو عني ضيق وهم في بالي

سولفو واحكو عن حكيات الماضي
اطربونا بزين السوالف وطيب المعاني

همس القلوب كتب:: ما شااء الله ع هالقصيده اعجبتني

سلفوا دخيلكم يا هلي وناسي
ابعدو عني ضيق وهم في بالي

سولفو واحكو عن حكيات الماضي
اطربونا بزين السوالف وطيب المعاني

أسعدني مرورك في صفحتي همس القلوب
كلك ذوووق ، بآرك الله فيك
بن فطيس : سولفوآ ~ 360724380

جميلة اخوي هيبة

لا حرمنا من جديدك

ودي لك